Vit vilja fegin bjóða tær til eitt ógloymandi kvøld við country tónleiki, har Kristina Bærendsen og Hallur Joensen framføra saman.

Tú kanst gleða teg til eitt kvøld við vøkrum sangum og duettum, har røddirnar hjá Kristinu og Halli smelta saman og fagna sálini í country tónleikinum. Og við heimliga og hugnaliga huglagnum á Reinsarínum, eru karmarnir perfektir til ein heilt serliga tónleikauppliving.  

Tá créme de la créme innan country flytur inn á Reinsaríið, fert tú at uppliva alt frá frálíkum balladum og rørandi løtum - til tað festliga og lívliga. Við øðrum orðum, so verður hetta ein countrybuffét, har ongin fer svangur avstað.

Tað er avmarkað nøgd av atgongumerkjum, so tað er at gera skjótt av, áðrenn onkur annar fer avstað við tínum atgongumerki.