Í døgunum frá 22. til og við 26. november hevur Jón Magnus Joensen framsýning í Smiðjuni í Lítluvík.

Flestu myndaevnini eru frá høvuðsstaðarøkinum og lýsa hetta á ymsan hátt. Tað eru fleiri enn 30 málningar við á framsýningini, bæði størri og smærri.

Umframt málningarnar, eru nógvar myndir, ið eru málaðar við akryl á pappír. Hesar hanga ikki uppi.

Jón hevur málað frá ungum árum og hevur síðan tá havt sjálvstøðugar framsýningar við jøvnum millumbili. Harav fleiri í Smiðjuni í Lítluvík. Hann hevur eisini luttikið bæði á felags framsýningum og sensureraðum framsýningum.

Jón var á listaskúla í Danmark í 2003.

Stíluriner ekspressionistiskur við naturalistiskum eyðkennum. Málningarnir eru litfagrir, har ljósið spælir sín leiklut.

Jón er argjamaður og býr á Toftum. Her hevur hann egið atelier.

Opið er soleiðis:

Fríggjadagin 22. nov.: 15.00 - 19.00

Leygardagin 23. nov.: 11.00 - 18.00

Sunnudagin 24. nov.: 14.00 - 18.00

Mánadagin 25. nov.: 11.00 - 18.00

Týsdagin 26. nov.: 11.00- 18.00

‍