Jólakonsertin á Reinsarínum!

So var hon endiliga aftur! Jólakonsertin yvir øllum jólakonsertum, har livandi legendur og tónleikarar í heimsflokki fara at forkela teg við fantastiskum jólasangum. Ja, hetta er veruliga creme de la creme innan jólakonsertir!

Okkara super dugnaligu tónleikarar fara at taka teg við á eina ferð gjøgnum vøkur, sjarmerandi og hugnalig jólaløg. Ja, faktiskt er hetta tann perfekta gávan til tín, sum ynskir at koma í rættan jólahýr. Hetta er bæði ein bleytur og harður pakki í senn, og vit kunnu lova, at tú ikki verður skuffað ella skuffaður.

Tað eru fá fólk, sum hava vunnið fleiri føroysk hjørtu enn Terji Rasmussen, Marius Ziska og Annika Hoydal. Og tað verða hesi trý, sum fara at geva tær eitt ógloymandi kvøld í jólagávu. Við sær hava tey eitt klassa húsorkestur, sum er mannað av Benjamin Petersen, Dánjal á Neystabø, Torleik Mortensen og Høgni Lisberg. Ja, so fær tað milt sagt ikki verið betri.

So finn tín innara jólamann ella vættur fram, og lat okkum saman skapa eitt ógloymandi kvøld á Reinsarínum.