Mánakvøldið 4. novembur kl. 19.00 verður fyrilestur í Auluni í Finsen um lutaíbúðir. Fyrilesturin er ókeypis.

Jan Hansen er stjóri fyri ABF, ið er ein felagsskapur av privatum lutaíbúðafeløgum í Danmørk.

Í Føroyum hevur verið vanligt, at fólk hava heldur vijað átt egin hús enn at búgva í búfelagsskapum, eitt nú í privatum lutaíbúðum. Í Danmørk eru sløk 10 % av landsins bústøðum privatar lutaíbúðir, og í Keypmannahavn er triði hvør bústaður privat lutaíbúð.

Jan Hansen fer at greiða frá, hvussu gjørt verður í Danmørk í sambandi við lutaíbúðir, og hví lutaíbúðatankin fær so góða undirtøku.

At enda kemur Jan inn á, hvørjir møguleikar eru at byggja lutaíbúðir í Føroyum, og hvørjar avbjóðingar ella forðingar vit kunnu renna okkum í við vaksandi íbúðaprísum og vantandi íbúðum, serliga í Havnini og øðrum størri búplássum.

Fyrilesturin er ókeypis. "Áhugafelagið Lutaíbúðir" skipar fyri. Eftir fyrilesturin verður høvi at seta fyrilestrarhaldaranum spurningar.

‍