Cantabile í Auluni í Finsen

Leygardagin 4. februar kl. 17 fer kvinnukórið Cantabile at lata føroyskar sangperlur í nýggjan ham.

Tað var ein góðveðursdag úti í Havnardali í 2020, at verkætlanin ”Føroyskar sangperlur í nýggjum hami” byrjaði at taka skap.

– Tilmælið um frástøðu fekk fram í okkum ein longsul eftir tí trygga og at skapa nakað nýtt í felag. Nakað nýtt, sum tók støði í tí kenda, siga fyriskipararnir.

12 føroyskar sangperlur eru síðani latnar í nýggjan ham av føroyskum tónaskøldum, og nú tilmælið um frástøðu er burtur, eru vit í Cantabile loksins klárar at framføra hesar fyri tykkum.

So hevði tú kunnað hugsað tær at hoyrt, hvussu Sóljugentan og Ferð til Dreymaland ljóða, tá ið Teitur og Pauli í Sandagerði hava útsett hesar til kvinnukór, burdi tú komið.

Kórleiðsluna hava Pauli í Sandagerði og Bernharður Wilkinson.