OSTAHÚSIÐ – ATELIERIÐ

Ostahúsið er ein goymd perla mitt í Havn, har tú kann larma so galið tú vilt, uttan at nakar órógvar. Akkurát sum eitt venjingarhøli eigur at vera

Vit leggja stóran dent á, at tú skalt føla teg heima í Ostahúsinum, tí vit elska bæði tónleik og tónleikarar. Tankin er, at vit skapa karmarnar og tú skapar tónleikin.

Tá tú traðkar inn í Ostahúsið, so traðkar tú inn í tína heilt egnu ostaklokku, har tú kann slappa av og fordjúpa teg í tónleikinum.

Í Ostahúsinum hava vit tikið hædd fyri akustikki, og gjørt okkum ómak fyri, at tað ljóðar sum tað skal. Samstundis hava tit eisini atgongd til góða útgerð, so tú sleppur undan at sleipa tína egna útgerð.

Ja, og tú fært eisini atgongd til ves og køk í Perluni.

Ljóðar hetta spennandi, so er bara at senda eini boð, og vit hjálpa tær við bílegging.

Myndir og hentir upplýsingar

Ljóðútgerð: Guitar- og bassforsterkari, trummusett, mikrofonir og sanganlegg
Aðrir hentleikar: Uppvørpa, tráðleyst internet, atgongd til ves og køk í Perluni