Aulan í Finsen

Tá talan er um kórsang og klassiskan tónleik, so er Aulan okkara besta høli. Tú merkir beinanvegin, at Aulan hevur sál og aukustikkurin er einastandandi

Mong eru havnarfólkini, sum hava sungið morgunsang í Auluni í gamla Kommunuskúlanum. Vit fegnast um, at fólk aftur sleppa inn í Auluna, og at hon er, sum hon altíð hevur verið. Listin hjá feðgunum Zachariasi og Williami Heinesen prýðir framvegis veggirnar og akustikkurin er enn einastandandi.