Mánakvøldið 25. september kl. 20:00 verður sýning av heimildarfilmi og framløga við granskaranum Dr. Fiorella Montero-Diaz í Perluni, Tórsgøtu 3.

Tiltakið er ókeypis.

Filmurin er 35 minuttir til longdar, hann er á sponskum, við enskum teksti 

Hetta er ein filmur við tónleiki hjá LGBTI tónleikarum úr Peru og Kolumbia og samrøðum við listafólk, aktivistar og serfrøðingar innan eitt nú tónleikafrøði, samfelagsfrøði, mannafrøði, løgfrøði og sálarfrøði. 

Sambært nýggjastu tølunum í kanningini “Sin Violencia LGBTI”  verða í miðal fýra LGBTI folk myrd hvønn dag í Latínamerika og Karibia. Hetta skelkandi hagtalið vísir tær harðrendu reaktiónirnar móti framstigum í LGBTI rættindum í hesum heimsparti. 

Latínamerikanska LGBTI samfelagið og samhugað stuðulsfólk nýta tónleik bæði til at mótmæla harðskapi og mismuni, og eisini til at skapa pláss fyri at grøða sár og finna styrki í samsinni og felags myndan av eini øðrvísi framtíð. 

Granskingarverkætlanin ‘Sounding a Queer Rebellion! LGBTI Musical Resistances in Latin-America’ virkar fyri, at tónleikarar, listafólk, aktivistar og serfrøðingar í tónleikafrøði og øðrum samfelagsvísindum kunnu møtast og hugleiða um, hvussu tónleikur og onnur list verða nýtt í hesum høpi sum aktivisma. 

Kom við til Evropapremieruna av hesum heimildarfilmi og framløgu við høvðusgranskaranum, Fiorella Montero-Díaz, Senior Lecturer í Etnomusikologi við Keele University í Bretalndi.  

Les meira : www.queermusicprotest.com.